Como tolos años dende fai quince, xuntáronse los escolinos y les escolines de Llingua Asturiana de dellos colexos públicos de la comarca d'Avilés.
Esti añu, anque mui precipitáu participamos con una representación dedicada a la escritora asturiana Berta Piñán colos cursos de terceru y quintu, llevando a cabo de pasu, una actividá T.E.I. (Tutoría Entre Iguales), proyectu nel que'l Poeta ta inmersu.
Ente toos y toes pusímonos d'alcuerdu en que la representación fuera una entrevista a esta autora onde destacase la so obra pal públicu infantil n'asturianu.
Asina surdieron...
Amás de participar, tamién pudimos disfrutar de les actuaciones de neños y neñes de los colexos de Villalegre, La Carriona, Castrillón-Illas, Llaranes, Palacio Valdés y Enrique Alonso.
Equí vos dexamos delles semeyes y cachinos de l'actuación. Esperamos que vos preste.
 |
| ESCENINA 1 Lula, Lulina |
 |
| ESCENINA 3 Les coses que-y presten a Fran |
 |
| ESCENINA 2 El branu de Mirtya |
 |
| ESCENINA 4 L'Estranxeru |
Y esto fue too. Colos imprevistos y fallos técnicos propios del directu ;) pero con muncha ilusión ya improvisando como profesionales pa sacalu p'alante.
| L'equipu al completu recuperando fuercies depués de l'actuación. |
 |
1 comentario:
A mi esti tipu de actividaes paezme perimportante. Ta claru que soi un defensor del asturianu, por que danos bayura, enseñanos la nuesa cultura y échanos un gabitu pa falar meyor en castellan y tener más facilidá para deprender otros idiomes. Les llingues minoritaries nun separen a la xente, sino que bien trabayaes y sofitaes nos xunten y nos enseñan la nuesa identidá, porque pa ser global primeru debemos ser llocales.
La xente suel decir que ye una pérdida de tiempu, pero la pérdida de tiempu ye criticar ensin pensar enantes les coses y les sos beneficios.
Publicar un comentario