Un añu más, cellebróse na Casa Cultura d'Avilés la reunión de tolos colexos del conceyu participantes nes XUNTES D'ESCOLINES Y ESCOLINOS. Esti añu foi la 16ª edición y participamos... ¡¡12 colexos!!
Nesta ocasión l'homenaxeáu foi'l escritor y dibuxante avilesín Miguel Solís Santos.
Por da-y continuidá a l'actividá T.E.I. (Tutoría Entre Iguales) entamada l'añu pasáu colos cursos de terceru y quintu, esti añu foron ellos y elles tamién, agora en cuartu y en sestu, quienes pusiéronse manes a la obra.
Y nun puede tar meyor esplicáu... Ente toos y toes pusímonos d'alcuerdu en que la representación fuera una obrina de teatru a partir del so llibru "Nosotros, los pexes".
Queremos compartir tolos preparativos, el nuestru trabayu previu y el resultáu final.
Repartimos los papeles y alcontrámonos con neños y neñes, un guacamayu, una gatina perfartona y pexes... muuuuuunchos pexes.
Pexes del Mar Cantábricu, pexes de los nuesos ríos,... ¡¡hasta pexes que falen!!
🤦♀️
Ya na Casa Cultura, pudimos disfrutar de la presencia de Miguel Solís Santos que contónos de los sos anicios y munches coses más sobre la situación de la nuesa llingua. Tamién topamos con collacios y collacies d'otros coles que ya conocíemos...
...y por fin... ¡¡tocónos!! ¡¡Vaya nervios!!
😬
Anque'l soníu de los personaxes, sobre too'l de los protagonistes, traicionónos... salimos del pasu como auténticos y auténtiques profesionales.
Asina foi la nuesa presentación:
Nesti enllaz podéis ver el resultáu:
Pa finar, tuvimos un ratín nel Parque Ferrera comiendo'l pinchu y comentando l'actividá...
Esperamos que vos haya prestao tanto como a nosotros/es.
😉
