¡¡FELIZ DÍA LES LLETRES!!

Anque pola situación que tamos viviendo, tócanos aplazar LA SELMANA LES LLETRES y LES XUNTES D'ESCOLINES Y ESCOLINOS, vamos "cellebralo" viendo cómo sigue la hestoria que entamé a contavos el DÍA'L LLIBRU.

Sigue asina...

Unu tres otru pasaron

lluchando contra'l fueu,

pero nengunu volvió

nin se supo más d'ellos.

Ansí pasó munchu tiempu

ensín topar solución

pa desaniciar dafechu

al horrorosu dragón.

Mas hete equí qu'un bon día

perellí acertó a pasar, 

con un atadín al llombu,

un espabiláu rapaz.

¿Qué vos pasa, bona xente?

-entrugó-yos el rapaz-

¿Por qué glaya tol pueblu

y llora ensin aparar?

¿D'ónde yes rapacín?

¿Nun conoces nuestro mal?

¿Nun sabes que perequí

anda un horrendu animal?

El bon rapaz aparóse

baxó al suelu'l so atadín

y desendolcando'l nudu

sacó-yos un papelín.

Tomái, xente d'esti pueblu.

Equé ta la solución

pa que d'una vez por toes

desaniciéis al dragón.

"Pumarina, embruxos dellos,

especialista en dragones.

Pa cada problema suyu 

tengo munches soluciones".

CONTINUARÁ...

¿Cómo t'imaxines a Pumarina? ¿Cuál crees que ye'l so oficiu? ¿Atréveste a dibuxala?

Si vos apetez, podéis contestar nos comentarios.

23 D'ABRIL: DÍA'L LLIBRU

Esti añu tócanos cellebrar esti día a distancia, pero vamos facer que sea perguapu igualmente.

Vamos dedicalu a la poesía, asina que vos propongo conocer esti cuentín tan prestosu:

Déxovos el principiu de la hestoria a ver qué vos paez... y poco a poco vos seguiré contando o dando pistes.

📗 ENTAMU DEL CUENTU... 📘

¿Ta prestándovos? ¿Queréis saber cómo sigue? Tavos atentos/es estos díes y lo descubriréis.

Amás si vos apetez, podéis dexar nos comentarios, cómo creéis que sigue... ❓❓

😉

CUENTÍN PA LA RECIELLA

El cuentu que nos trai güei LA RECIELLA EN CASA: LA CUARENTENA PRESTA ye mui apropiáu pa estos díes porque fala d'un árbol 🌳, y como tamos en primavera, anque de momentu nun podamos disfrutala, sabéis que nesta estación, los praos, les plantes 🌷 y los árboles pónense perguapos enllenos de flores 🌼.

Titúlase....

🌳 RISINES 🌳

Y como nun pudimos 👋 despedinos del iviernu ⛇ porque pillónos confinaos/es, voi dexavos un 🎶 cantar con karaoke mui prestosu de POP PIQUIÑÍN sobre esta estación.

 ⛄ ESTI IVIERNU TA AL REVÉS 🏂

 🌸 ¡Espero que vos preste! 🌸

😊

TALLER: "FACEMOS UN LLIBRU Y UN CÓMIC"

Güei vamos facer un amestáu de 2 de los programes 📺 que tán acompañándonos nesti confinamientu 🏡.

Dende LA RECIELLA EN CASA: LA CUARENTENA PRESTA van enseñanos tol procesu d'ellaboración d'un llibru 📘. Dende facelo físicamente (portada, fueyes, contraportada,...), hasta escribilu 📝, ilustralu,...

Solo tenemos que siguir tolos pasos que muéstranos Susana Sela nesti vídiu:

📗 FACIENDO UN LLIBRU 📕

Per otru llau, con DEPRENDI CON TPA na so sección d'EDUCASTUR TV 📺, Ruma Barbero enséñanos un pocoñín sobre Ilustración y Comunicación col TALLER DE CÓMIC ONLINE. Pa que nos faigamos una idea, danos unes direcciones pa que veamos dalgunos de los sos trabayos.

✏ TIRES CÓMIQUES 😂

  

🏄 PLANU XIXÓN 🏃

Déxovos equí l'enllaz del Capítulu 3 pa que veáis lo fácil que parez 😅 viéndolu a él dibuxar:

  📐TALLER DE CÓMIC 🎨

(Ente'l minutu 1 y 32 segundos y el minutu 15 y 38 segundos)

¡¡A VER SI VOS PRESTA!!

😃  

 

LA RECIELLA EN CASA: "LA CUARENTENA PRESTA"

La Estaya de la Llingua d'Avilés programa pa estos díes un ciclu d'actividaes tituláu:

🌈'La Reciella en Casa: La Cuarentena Presta'. 

Va ser un total de 8 actividaes en llingua asturiana que tolos díes van abrir una puerta a la imaxinación 💭 de la reciella al traviés d'Internet.

Cuentacuentos 🎭, música 🎵 y talleres d'escritura 📝, dibuxu, 💬 cómic y ropa tradicional van conformar el programa d'esta iniciativa na que participen diferentes profesionales con muncha esperiencia nestos campos.

Déxovos equí l'enllaz de la hestoria que nos cunta Borja Roces: La neña con ales. Una hestoria pa facenos pensar ...

https://www.youtube.com/watch?v=scEOJx1zOU0

A ver si vos presta...  😊

DEPRENDI CON TPA (CAPÍTULU 2)

Dende'l vienres 3 d'abril, la TPA 📺 cola collaboración d'EDUCASTUR, ta ofreciendo clases de toles materies y pa tolos niveles. 

Yo voi dir viéndolo 👀 primeru, pa ponevos les partes de cada capítulu que dediquen a la LLINGUA ASTURIANA a nivel d'Educación Primaria y si hai dalgo dedicáu a Educación Infantil,tamién vamos aprovechalo.

Voi señalavos el minutu nel qu'entama y el minutu nel que fina cada parte que nos interese.

CAPÍTULU 2 

 https://www.rtpa.es/video:aprende%20con%20tpa_551586226696.html

• De 3 a 7 años: EDUCASTUR TV dende'l minutu 1 y 30 segundos al minutu 11 y 38 segundos.
• De 6 a 12 años: dende'l minutu 36 y 16 segundos, hasta'l final del vídiu.

Pa finar, déxovos l'enllaz a un cantar 🎵 prestosísimu de Pop Piquiñín, con karaoke 🎤 rellacionáu colo tratáu güei na clas de llingua de Primaria. 

🎶🎶"Raru crustaceu"🎶🎶

SOLUCIONARIU ACTIVIDAES CONFINAES I

Como vos comenté estos díes per equí o nel mío corréu 📧 de clase, cursu20192020@gmail.com, voi dir dexando les soluciones a les fiches de trabayu 📝 que pudisteis conseguir al traviés de la páxina web del cole.  

Yo voi correxiles ✏ igual, si me les mandáis claro, pero por si queréis dir echando una güeyada 👀 equí les tenéis clasificaes por
cursos:  

PRIMERU

Les fiches de Llunarín 🐾 nun fai falta que vos las ponga equí porque caún o caúna vais faceles como más vos preste.

 

 SEGUNDU

LOS MESES DEL AÑU CON LLUNARÍN 🐾

Como en PRIMERU, nun voi ponevos les fiches de los meses equí porque toos y toes vais pintales 🎨 diferentes y de xuru que perguapes. 
Lo que sí vos dexo, ye'l audiu 📻 col dictáu de la ficha del mes d'ABRIL.

🌸 DICTÁU MES D'ABRIL CON LLUNARÍN 🐾

 

TERCERU

Na ficha de "ANTÓN VA D'ESCURSIÓN", fixaivos bien y nun copiéis con faltes.

🙏

CUARTU

QUINTU

SESTU

TAREES CONFINAES

Nestos prósimos díes voi dexavos equí les soluciones a toles actividaes 📝 que vos mandé pa los primeros díes del confinamientu 🏡.

Si hai dalgo que nun sabéis facer y necesitáis ayuda 🆘, podéis enviame vuestres duldes a esti corréu:

cursu20192020@gmail.com

Tamién podéis dir 📧 mandándome les actividaes que ya tengáis terminaes. Sacáis 📷 una semeya... ¡y llistu!

😉

PA NUN ABURRINOS

Nestos díes tan raros que tamos pasando, quiciabes daquién pregúntase... 

¿PORQUÉ, POR QUÉ? 

Equí déxovos cantares y delles actividaes por si vos aburrís. Ya sabéis que podéis echar una güeyada a too anque nun seya de vuestru cursu.

1^u - 2^u

EL REGALU DEL SUMICIU

https://es.educaplay.com/recursos-educativos/2329756-el_regalu_del_sumiciu.html

3^u – 4^u

LES ABEYES

Cantar: https://youtu.be/6_xYYdhv7h8

Actividá: https://es.educaplay.com/recursos-educativos/2347304-les_abeyes.html

5^u – 6^u

A ver si vos alcordáis d’esti cantar:  https://youtu.be/Poy4cWZS5vA

Actividá: https://es.educaplay.com/recursos-educativos/567422-una_de_mieu.html

Y pa finar el día y dise a dormir... 

                                        MARCHA D’ECHASE

Podéis dexar vuestres suxerencies o comentarios más abaxu.

¡¡ÁNIMO CHIC@S!!

 

💪

L'ARCU LA VIEYA

Dende'l departamentu d'Orientación del cole tán d'estrenu. Tienen un nuevu blogue con recursos asgaya perguapos ya interesantes.

Dende l'área de Llingua queremos aprovechalos, asina que vamos entamar con un recursu que nestos díes vese muncho nes ventanes, nos balcones,... 

🌈 L'ARCU LA VIEYA TOO VA DIR BIEN 👍

• Versión en castellanu:

ORIENTADOS POETA

• Versión n'asturianu:

Podéis imprimilu y facelo como queráis. Podéis pintalu, usar papelinos de colores, algodón... Y si nun podéis imprimilu, nun pasa nada, podéis copialu nuna fueya y facelo como más vos preste.

Amás de entretenevos y de facer algo perguapo, tareis repasando'l nome de los colores n'asturianu.

Pa finar, poneilo na ventana pa que la xente vea que sois unos y unes artistes.

😍

PA ENTRETENENOS...

Equí tenéis la primera entrega d'entretenumientu n'asturianu. Los xuegos, pasatiempos y cantares, tán clasificaos por cursos, pero eso nun quita que podáis facer, ver, sentir o facer les actividaes d'otros cursos.

PRIMERU

Xuegos:

https://es.educaplay.com/recursos-educativos/5125283-dies_de_la_selmana.html

https://es.educaplay.com/recursos-educativos/4439980-animales_de_la_granxa.html

Cantares:

“MIME, MARILA, TININA Y OMAR”: https://www.ivoox.com/10530798

 “EL RELÓ L’AYUNTAMIENTU”: https://www.ivoox.com/10721011

SEGUNDU

Xuegos:

https://es.educaplay.com/recursos-educativos/4440025-animales_de_la_granxa.html

https://es.educaplay.com/recursos-educativos/2317972-la_casa_de_mio_guela.html

Cantares:

“LA GRANXA DE NEL”: https://www.ivoox.com/10531081

“LA CASA DE MÍO GÜELA”: https://www.ivoox.com/10829233

TERCERU

Xuegos:

https://es.educaplay.com/recursos-educativos/567388-el_capitan_sablazu.html

https://es.educaplay.com/recursos-educativos/3680529-ruleta_tema_2_esguil_3.html

Cantares:

“EL PIRATA”: https://www.ivoox.com/10531125

“UNA DE MIEU”: https://www.ivoox.com/10531192

CUARTU

Xuegos:

https://es.educaplay.com/recursos-educativos/3716597-colas_y_los_aviones_t1esguil_4.html

https://es.educaplay.com/recursos-educativos/5090276-clas_de_pallabres.html

Cantares:

“UN RAPACÍN DE RANÓN”: https://www.ivoox.com/10531231

“ENGUEDEYU”: https://www.ivoox.com/10565768

QUINTU

Xuegos:

https://es.educaplay.com/recursos-educativos/?q=&course=12&subjects=5329

https://es.educaplay.com/recursos-educativos/3807723-apostrofar.html

Cantares:

“¡AI, PINÍN!” (Xentiquina): https://www.ivoox.com/10829520

“¡AI, PINÍN!” (Felpeyu): https://youtu.be/iOUPW57cEBQ

SESTU

https://es.educaplay.com/recursos-educativos/4440483-seres_mitoloxicos.html

https://es.educaplay.com/recursos-educativos/2237245-conxugaciones_verbales.html

Cantares:

“CHALANERU” (Chus Pedro, Tejedor): https://www.ivoox.com/4215757

“CHALANERU” (Felpeyu): https://youtu.be/tFHQVNgfK8w

Y PA TOLA FAMILIA...

Como paez que vamos tener muuunchu tiempu, podemos aprovechar pa deprender la coreo de “EL CANTAR DEL VASU” y a la vuelta facer algo prestoso ente toos y toes... ¿qué vos paez?

https://youtu.be/9hotzDv7ejA